Tuesday 25 January 2011

Timor Leste Tulun Mos Vitimas Dezastre Naturais Iha Brasil ho dsri Lanka

Tempo Semanal-Dili, 25.01.2011

Konsellu de Ministru tuur iha reuniaun extra ordinaria ida iha loron (24/01) aprova Rezolusaun rua atu nune'e nasaun ne'ebe sempre simu apoiu husi estranjeirus ne'e tulun hikas rai sira maka kona dezastre naturais hanesan Brasil ho Sri Lanka.
"Rezolusaun ne'ebe aprova Ajuda Finanseira ba Brazil tanba xeia ka inundasaun no rai monu tanba inundasaun ho rai monu ne’ebé afeta Brazil, liuliu iha rejiaun serrana iha Rio de Janeiro, ne’ebé estraga buat barak- konsidra nu’udar dezastre naturál boot liu ne’ebé mosu iha Brazil – mak Konsellu Ministru, ho aktu solidariedade, fraternidade no apoiu ba povu no autoridade país ne’ebá nian, aprova ona atu fó ajuda finanseira ho valór dólar amerikanu rihun atus lima, hodi ajuda atu ultrapasa materiál no ema sira ne’ebé lakon.

Iha okaziaun hanesan liu husi KM mos hatudu ninia laran luak ba nasaun Sri lanka. "Rezolusaun ne’ebé aprova Ajuda Finanseira ba Sri Lanka tanba inundasaun Konsellu Ministru, ho aktu solidariedade, fraternidade no apoiu ba povu no autoridade Sri Lanka nian, aprova ona mós atu fó ajuda finanseira ho valór dólar amerikanu rihun atus lima, hodi ajuda ultrapasa materiál no ema sira ne’ebé lakon ne’ebé rejista iha país ne’ebá tanba inundasaun maka’as ne’ebé provoka ema liu tokon ida mak sai hosi sira nia hela fatin.

Menus fulan rua nia laran Governu Timor Leste hasai osan hamutuk Milaun rua hodi aijuda vitimas dezastre naturais iha Indonesia, Iha Queensland,Australia ho Brasil no sri Lanka. (TS)

1 comment:

Anonymous said...

governu fakar osan ba liur miliaun ba miliaun maibe kasihan mak povo sira liu-liu iha distritos mak tata rai nafatin ho kiak no mukit. Governu nee nakonu deit ho selebritis duke servidor do povo!