Tuesday 1 February 2011

Igreija Katolika TL Foo konsola Governu Antes Negosia Ho Santa SE

Tempo semanal-Dili, 31.01.2011

Bispo Diosese tolu iha Timor Leste hanesan Bispo Diosese Dili, Dom Alberto Ricardo, Bispo Diosese baukau, Dom Basilio do Nasimento ho Bispo Diosese Maliana, Dom Norbeto, hahu husi tuku sia OTL ate tuku Sanolu resin ida halo enkontru ho Primeiru Ministru Kay Rala Xanana Gusmao, Ministra Justica, Ministra Solidariedade social, Vice Ministru Justica, sekretariu do estadu Konsellu dos Ministru durante oras rua iha palasiu do Governu dili hodi deskute malu kona ba ekipa ne'ebe harii ona husi Governu atu ba halo negosiasaun ho Santa Se kona ba konkordata.
"Ami kona ko'alia kona ba buat barak maibe liu-liu kona ekipa ne'ebe harii husi estadu atu ba halo negosiasaun ho santa se kona ba konkordata ne'e. Ne'ebe biar bu'at ida ne'e negosiasaun entre santa se ho Estadu timporense loloos maibe ohin ne'e hanesan foo de'it opiniaun ba malu. I depois mos husi Uma kreda foo mos informasaun ba Governu oin sa mak buat ida ne'e la'o. Ne'ebe ami dehan katak negosiasaun ne'e la'os ho ami maibe negosiasaun ne'e ho reprezentante Santa Se ninian," Dale Amo Bispo Baukau Dom Basilio Do Nasimento. (TS)

No comments: