Tuesday 1 February 2011

Horta Ezije Governu Husu Tulun Mari No Negosia Fali Ho Woodside

Tempo Semanal-Dili, 31.01.2011

Prezidenti da Republika DR. Jose Ramos Horta husu Governu Timor Leste atu  "Labele suspende, abandona, ko'alia fila fali," ho kompania Woodside.
"Ita tenke Halo Dialogu ho hotu-hotu," Prezidenti Horta dehan hodi hatan kona ba pozisaun Governu ninian ne'ebe taka odamatan ona ba Woodside.

"Agora ita la halo fali dialogu ho ema ne'ebe halo investimentu Dollar juta atus ba atus, liu atus ba mina ne'e. Ita depende de'it ba Bayu Undang. Se Bayu Undang buat ruma akontese. Hanesan rai nakadoko ou asidentes ruma, ne'e ita nia rezeitas mai husi ne'ebe?" Horta Kestiona.

"Ne'e duni ita tenke buka lalais atu hetan akordu. La'os atu faan ita nia ba sira. Mai ita halo negosiasaun didiak para hetan solusaun ida ke diak ba sira tan ba sira la'os instituisaun karidade, sira la'os mather Teresa. Sira ne'e hakarak buka lukru. Ne'e kompania petroleu iha mundu hotu-hotu nune'e."

"Ita halo negosiasaun matenek hanesan uluk primeiru Governu konstitusional halo ho Conoco Philips ho Governu Australia kona ba Bayu Undang no Timor Sea Treaty, agora ita buka oin sa atu implementa akordu Greater sun Rise nian."

Prezidenti da republika sujere atu Governu AMP husu tulun ba Eis Primeiru Ministru Mari Alkatiri atu tulun iha negosiasaun ho Australia.

"Bolu DR. Mari Alkatiri ba rona mos nia opiniaun, foo informasaun loloos ba ha'u. Ne'e para ita haree oin sa hotu-hotu bele baku fera ulun para estratejia ida ke diak liu ba Timor Leste." (TS)

5 comments:

Anonymous said...

Ita tenke involve ema ne'ebe experiensia atu halao negosiasaun, porexemplu United States of America nafatin uza eis titulares sira hanesan: Eis Presidente, Secretary of State (MNE)atu sai especial envoy (representate spesial husi nasaun ne'ebe haruka) hodi halo negosiasaun iha kualker tipu negosiasaun ba interese nasional, maibe Timor-Leste iha arogansia katak semak ukun ne'e mak hatene liu i pior liu mak lakohi involve ema sira eis titulares ho razaun katak OPPOSITION PARTY. espera katak semak ukun tahu a'as interese nasional.

obrigado

Anonymous said...

h hanoin ide maun bo'ot Ramos nia ne diak tbzzz ita lb depende deik ba ida mas tengge hr ba buat brk iii id moss bl cria servico ba ita nia povo iii mos bl aumenta ekonomia ba ita rainnn .....

bl moss atrtai ema liurr bl tama investe ba ita rainn ho hakfodaa soberr ita nia ekonomia nb assss tbzzz o aumenta buat sira neee


politica nain sira moss tengge iha unidade mak diak lb kahorrr anbisi ho falyy comun ida nb povo nia lae ema bl dehannn timorr ne ukun anan iha ibunn mass fuan ne sedaukk ukunn anan ida ........

Anonymous said...

Diak hotu mas problema mak se Konvida Dr. ALkatiri, entaun ne'e orsida sai fali ona materia kampanha FRETILIN nian ona.Tamba dalabarak ona sira klaim hanesan mesias atu salva Timor-Leste

Anonymous said...

These are the smartest words spoken by JRH in about two years!

Anonymous said...

Hau sente Presidente hatete ne'e claro los tia ona. Buka Eis-Primeiro Ministro mari Alkatiri ba negocia ho sira tamba, nia hatene kolia e firme iha nia possicao, laos bulang-balang, e haree deit ba ida nebe maka atu foo osan tama lalais ba bolso.