Wednesday 26 January 2011

FM Nia Apresiasaun Ba Resposta SED Julio Tomas Pinto Konaba Relatoriu FM

Tempo Semanal-Dili, 26.01.2011
Fundasaun Mahein (FM) hakarak resposta ba Sekretariu Estadu ba Defesa DR. Julio Tomas Pinto konaba opiniaun editorial ne’ebe sai iha media Timor-Leste hodi resposta hasoru FM nia relatoriu “Mahein Nia Lian no. 16 konaba Analiza orsanmentu Defesa ho Siguransa.
Sekretariu do estadu Julio Tomas pinto iha ninia opinaiun dehan FM ninia relatoriu ne'e hakerek ho lalais liu. Nune'e duni provoka hamanas oin FM ninian hodi hatan hikas ba PM. Iha kounikadu imprensa ne'ebe jornal simu ohin lokraik FM hakerek, "Dahuluk, FM rekuinese Sekretariu Estadu ba Defesa nia suporta momentu FM hahu nia kna’ar iha tinan 2009. FM apresia tebes no suporta masimu no fo rekoinesementu ba Sekretariu Estadu Defesa nia suporta ba nesesariu debate publiku konaba asuntu/isu sira nebe’e importante iha seitor siguransa."

FM nakloke aan ba kritikas no simu ho laran luak hanoin sira husi Sekretariu do Estadu da Defeza. "Daruak, FM fo rekuinese ba Sekretariu Estadu da Defesa konaba ninia kritika diak no konstruktivas ba FM nia relatoriu foin lalais ne’e. FM konkorda ho kritika ne’e, e FM fiar katak kritika ne’e sai lisaun boot ba FM atu halo nia kna’ar diak ba futuru.," rekuinese husi FM.

"Datoluk, ho ida ne’e FM sei kontinua sai parseiriu diak ho governu liu-liu Sekretariu Estadu Siguransa ho Defesa atu halo diak liu tan relatoriu iha futuru, hodi kolobarasaun diak ne’e mos sei kontinua halo FM nia independente ba governu no partidu politikus sira. FM nudar organizasaun ida ne’ebe independente no sei kontinua mantein nia pozisaun independeti iha nia kna’ar tomak."

Fundasaun Mahein hanesan uniku NGO nasional ida hodi tulun tau matan haberan instituisaun Defeza no Sseguransa iha nasional Timor Leste ne'ebe hakerek ona ninia relatoriu lubun ida. 

"Dahat, FM simu Sekretariu Estadu ba Defesa nia resposta nudar lala’ok diak ida ba debate konstruktivas ne’ebe valor tebes ba sidadaun Timor-Leste hodi dezemvolve Seitor siguransa ne’ebe konsagra tiha ona iha Konstitusan RDTL konaba Defesa no siguransa nian ba Sidaudaun hotu-hotu iha nasaun ida ne’e," deklara FM. (TS)

4 comments:

Anonymous said...

Nelson Belo: pahlawan asli

Anonymous said...

Atu mengaku plagiarismu mos par susar ida...

Anonymous said...

atu mengaku halo plagiarismu mos par susar ida...

xorante said...

ah..hau hanoin kala FM atu halo counter argument ida ba SED Julio Tomas Pinto nia komentario ka resposta ba FM. Hanesan nee la rame ida.

Hau nia hakarak nee intelektual ho intelektual tau malu ho argumentos no kontra argumentos.

Agora para lakon tempo foti deit SED J.Pinto ba lalehan nee hanesan deit ho SED Julio T Pinto 1 - Fundasaun Mahein 0.