Tuesday 20 April 2010

Protokolo MNE Ignora no Sama Lasama iha Aeroportu Bali

Iha loron Sexta Feira (16/04) Prezidente Parlamentu Nasional Timor Leste Fernando de Araujo Lasama halo viajen ba estranjeiru via Bali ho aviaun Merpati husi Dili. To’o iha aeroportu Bali la’os hanesan bain bain iha prokolu husi Konsuladu Timor Leste iha illa Dewata ne’e mai hasoru ajuda trata dokumentus no nesesidade nai ulun sira nian. Maibe iha Sexta feira la iha ema ruma husi konsuladu Timor Leste iha bali maka mai ajuda Lasama iha aeroportu nune’e Prezidente Parlamentu telephone fali mai Dili, hodi hakilar ninia xefe gabinete tilun mean.

“Prezidente telephone ha’u husi Bali hirus loos ne’ebe ha’u konfirma fali ho staff sira ida ne’ebe maka trata asuntu,” dehan Dr. Macelino Magno, Xefe Gabinete Prezidente Parlamentu Nasional. Hafoin simu informasaun ne’e gabinete Prezidente Parlamentu nian husu tuir kedan ba MNE. “Ami klarifika kedan ba diretora Jeral MNE sr. Vicky hodiseik (sexta) no nia hateten katak sira nia ema iha hotu dili hodi tuir reuniaun,” dehan Marcelino.

Nia informa katak, “iha de’it ema balun iha ne’eba no partekolu iha konsulladu nian la simu email ruma husi MNE hodi informa ba sira kona ba viajen Prezidente Parlamentu Nasional ninian ne’e maka sira mos la mai aeroportu.”

Bainhira Lasama atrapailadu hela, “sorte be staff local ida nia naran Pak Agung maka iha aeroportu haree fali prezidente maka nia mai ajuda hela.”

Dr. marcelino antes halo klarifikasaun ba MNE nia mos konfirma uluk ho funsionariu Parlamentu nasional ne’ebe trata viajen Prezidente parlamentu nasional ninian ne’e ho MNE. Staff ne’e dehan hato’o ona nota verbal ba MNE no MNE ninia funsionariu ne’ebe simu informasaun ne’e dehan, “ja esta pronto.” “Buat ne’e hanesan bain bain ami sempre hatoo uluk nota verval ba sira depois maka MNE trata ho sira nia ema iha konsuladu Bali.”

Dr. Marcelino lamenta tan, “loron ida ka rua antes Prezidente ninia viajen, begitu ninia vistu kompletu ami informa kedan ba MNE maibe la hatene tan ba sa maka problena mosu.”

Bainhira jornal ne’e tenta konfirma ba Diretora jeral Ministeiru Negosiu Estranjeiru Sra. Vicky Thsong maibe nia la simu telephone no jornal ne’e sms de’it perguntas ba nia. Sra. Viccky resposta dehan, “Marcelino informadu ona kona ba lala’ok ne’e.”

Iha parte seluk Estudante Universidade nasional Dili lamenta ho servisu prokoler MNE ninian ne’ebe ladun tau importansia ba atividade ulun boot sira nian sa tan Prezidente PN. “Ha’u hanoin keta halo ema sira iha MNE ne’e baruk ten ou karik Ministru Negosiu Estranjeiru sei hirus nafatin Prezidente Parlamentu nasional ninia esteimentu ne’ebe husu PM Xanana atu hasai tiha Ministru ne’ebe la Loyal ba PM ne’e maka lakohi informa perjalanan Lasama ninian ba prokolu konsuladu Bali atu ajuda nia,” dehan Januario X. C. Amaral iha Kampus UNTL Liceu Dili iha loron Sabadu. Tuir Amaral katak, “Loloos ne’e MNE hahu hadia fail ninia reputasaun ne’ebe monu tan polimika rezignasaun SMS maibe ho situasaun ne’e Ministru Zacarias sei kreia liu tan deskonfia ba nia katak Ministru Zacarias la loyal duni ona ba lideransa nasaun ne’e inklui Prezidente Lasama.”

Kazu fallansu Prokolu MNE ninian ne’e la’os ba dahuluk maibe karik konsiente ka la’e lala’ok ne’e akontese beibeik ona. Kazu kontreta ida maka mosu iha Viajen Primeiru Ministru Kay rala Xanana Gusmao ba Portugal no Doha iha tinan kotuk mos mosu problema prokoler too obriga ulun boot IV governu Konstitusional ne’e hasai ninia sapatu iha Doha nune’e mos resesaun ba eis lider maximu da rezistencia ne’e iha Portugal la tuir buat ne’e loloos tenke akontese.

3 comments:

Anonymous said...

Hau hanoin buat ruma la los entre MNE no konsuladu TL iha Bali. Check didiak failansu nee, foti medida forte kona ba assuntu nee. Se labele ona, hasai tiha ema nebe servisu lalos, iha TL ema barak buka servisu hodi servi TL.

Anonymous said...

Further note on events in national parliament yesterday (20 April 2010)

http://tatoli-english.blogspot.com/2010/04/further-note-on-events-in-national.html

Anonymous said...

Hahalok kuandu odio malu tuir problema SMS nebe involve Ministru Zacarias, la bele lori ba Ministeriu nian, Se hanesan ne'e entaun nasaun ne'e ema sira nebe povu fiar sira hodi ukun la iha dignidade no la respeitu povu nia konfiansa ba sira. Diak liu sira tun.