Hataan kona ba lia sadik husi defensór arguido ba attentadu kontra Prezidente da Repúblika ne'ebé tenke aprezenta ninia kanek fatin iha tribunál Presidente horta dehan, “primeiru ha'u hanoin katak ita boot sira haluha tiha ona 11 de Fevereiru 2008 ambulánsia ne'ebé lori ha'u husi ha'u nia uma ba klínika.”
Nia hatutan katak iha parte barak maka hatene ninia kanek hanesan, “Seguransa balun hamriik iha ne'e sira haree ha'u nia kanek. Doutór lubuk ida, rua nulu ka tolu nulu iha dili, enfermeiru, militár australianu lubuk maka halo transfuzaun raan, aviaun lori ha'u ba darwin, loron 10 nia laran iha koma, Doutór Rui Araújo, eis vise primeiru Ministru no eis ministru saúde akompaña momentu ne'e iha ne'ebá, loroloron haree ha'u nia kanek.”
“Fotografia barabarak ke4 sira hasai kanek ne'e iha ne'ebá. Too ohin ha'u seidauk rekupera 100% eehh kanek ne'e taka tiha ona maibé buat nervus ne'ebé iha laran ne'e, kilat musan estraga difisil tebetebes atu hamutuk fila fali.”
Nia haktuir katak, “Konforme doutór sira hateten katak se ruin maka nakfera ne'e bele kurije no isin ka múskulu ruma bele maibé buat nervus ki'ik oan ki'ik oan ne'e, rihun ba rihun ne'e difisil tebetebes. Entaun tan ne'e ha'u tuur oras ne'e daudaun iha ne'e sei moras, sa'e karreta moras, tuur iha kantor moras maibé ha'u aguenta de'it tan ba ha'u hanoin na'i maromak ne'ebé hateten nune'e ha'u salva o nia vida maibé moras ne'e o sei lori hanesan krús ida nafatin.”
“Loron ruma ha'u sei hare momentu ruma, sira ne'ebé hakarak hanesan saun Tomé ha'u sei hare hatudu i ha'u hanoin hanesan saun Tomé sira sei moe. Maibé ha'u la'ós halo iha ne'e hanesan jardín jeolójiku ida ka zoo ida para kolu ha'u nia hena i hatudu ne'e. Dala ruma bele karik ita sei hare.
Horta rejeita atu foo komentáriu barak kona ba lala'ok Justisa ninia. “Kona ba tribunál ha'u laho komentáriu kona ba detalladu iha tribunál. Ha'u konfia ba juis sira, prokuradór sira advogadu no defeza Sr. Salsinha ho Sra. Pires nian sira halo sira nia trabaliu. Ne'e sira nia direitu duni i tenke halo buat hotu para ke sira nia kliente bele salva karik. Ne'e ha'u la komenta ne'e sira nia direitu.”
No comments:
Post a Comment